a nosa crónica
Así vivimos o Pont-Up Store 2026
Dous días rumiando no Pont-Up Store
Fomos ao Pont-Up Store con moita ilusión e volvimos con máis da que levabamos.
Pasamos dous días en Pontevedra co noso propio stand, contando e ensinando como axudamos a empresas e organizacións a poñer orde nos seus datos, quitarse tarefas repetitivas de enriba e aplicar a intelixencia artificial onde de verdade achega.
Unha ITV para o teu negocio
Para non quedarmos só en contar o que facemos, levamos a nosa propia ITV do negocio: unha revisión rápida para detectar que pode estar a frenar o uso dos teus datos, os teus procesos e o uso que fas da intelixencia artificial.
Durante os dous días, quen se achegou ao stand puido pasar a súa propia ITV, responder unhas poucas preguntas e levar unha recomendación concreta para mellorar o seu negocio.
Foi tamén unha boa escusa para falar con moreas de persoas, coñecer negocios muito diferentes e descubrir problemas que non imaxináramos antes de chegar.
E dous premios que non agardabamos
Saímos do Pont-Up Store con dous recoñecementos:
- 🏆 Mellor proxecto do Pont-Up Store 2026
- 🏆 Mellor emprendemento en TIC e novas tecnoloxías
Recibímolos como un impulso para seguir construíndo polo mesmo camiño: traballar desde a proximidade e o acompañamento, entender antes de propoñer e tentar ser útiles desde o primeiro día.
Unha forma de traballar na que buscamos compartir coñecemento e construír autonomía, para que o que facemos non quede nunha ferramenta ou unha solución puntual, senón que tamén axude aos equipos a entender mellor os seus datos, procesos e decisións.
Grazas a toda a organización por facer posible algo así, a quen vos achegasteis ao stand e a quen nos deixasteis preguntas, ideas e problemas que aínda seguimos rumiando. 🐮
Tamén saímos nos medios
Os dous recoñecementos tiveron tamén o seu pequeno eco fóra do Pont-Up Store: