ConIA Digital: IA aplicada ao mundo dixital

O 17 de outubro volvemos a Madrid para a segunda edición de ConIA Digital, onde achegamos o noso gran de area como colaboradores. Unha xornada para falar de intelixencia artificial aplicada ao contorno dixital, de como se está usando no día a día e das oportunidades e retos que temos por diante.

Gústanos escoitar outras perspectivas, contrastar ideas e compartir as nosas inquedanzas. Puidemos escoitar distintas experiencias sobre o escenario, pero tamén aprender fóra del: reencontros que xa tocaban, novas caras e conversas que nos axudan a cuestionarnos como facemos as cousas. As fotos son só unha pequena mostra de todas esas persoas.

Parabéns a IKAUE, a Iñaki Huerta e a todo o equipo pola organización. Por seguir rumiando en máis edicións do ConIA Digital!