En nosDeu somos moi de acompañar.
Gústanos construír relacións a longo prazo porque cremos que para traballar ben con datos fai falla algo máis ca coñecer as ferramentas. Fai falla entender o contexto, o negocio, as persoas e tamén todo o que pasou antes para chegar ata aquí, mais tamén entender ata onde se quere chegar.
Co tempo as organizacións cambian, os equipos maduran e as necesidades deixan de ser as mesmas. Por iso entendemos o acompañamento como algo que tamén ten que evolucionar: ás veces toca resolver, outras executar, outras axudar a decidir e moitas simplemente compartir experiencia e criterio.
Mais hai outra parte que para nós é igual de importante: acompañar non debería xerar dependencia.
Intentamos explicar o porquê das decisións, compartir coñecemento e conseguir que ese coñecemento se quede dentro. Que o equipo gañe criterio propio e autonomía e que, co tempo, incluso poida necesitarnos menos para algunhas cousas.
Pode que non sexa a forma de traballar que mellor escala. Mais é humana e cremos moito nela.
Para levar esta forma de traballar á práctica creamos distintos plans de acompañamento, dende protexer e coidar o que xa existe ata integrarnos como unha parte máis do día a día do equipo.
Non hai un percorrido obrigatorio nin aspiramos a que todo o mundo chegue ao nivel de maior implicación. A idea é bastante máis sinxela: estar onde poidamos achegar máis valor en cada momento e evolucionar xuntos cando ese momento cambie.
