A Datolada 2026: os datos tamén fan comunidade

A cuarta Datolada reuniu preto de 250 persoas na Coruña durante dous días dedicados á analítica dixital, á intelixencia artificial e á medición. Desde nosdeu participamos na organización dun encontro no que as ganas de aprender e compartir se notaban tanto nos relatorios como nas conversas entre eles.

A Dársena e o Dataporte

Tamén subimos ao escenario para presentar un proxecto interno de Datola: conectar a información repartida entre WordPress, MailerLite, Spotify, GA4, WhatsApp e a plataforma de entradas para entender mellor a relación de cada datolista coa comunidade.

Compartimos como comezamos a ordenar os datos, detectar duplicados e construír unha visión conxunta da participación. Un traballo que deu lugar á Dársena, o noso back office, e ao Dataporte, un espazo no que cada datolista pode consultar a súa travesía pola comunidade e un primeiro paso cara á gamificación desa experiencia.

Podes ver o relatorio completo para coñecer o proxecto e o proceso que hai detrás.

Compartir tamén o proceso

Na nosa crónica da Datolada contamos como vivimos o encontro desde dentro: os preparativos, as aprendizaxes e todo o que supón construír algo así en comunidade.

Rematamos co cansazo de moitas horas de traballo e as emocións a flor de pel. Tamén coa alegría de contribuír a un espazo no que compartir coñecemento é unha forma de conectar.

Viva a comunidade e Datola!