Para nós, a intelixencia artificial non vai de engadir unha capa brillante enriba de calquera proceso. Vai de integrala con sentidiño e alimentala con datos fiables, ben definidos e conectados coa realidade de cada organización.

Por iso seguimos apostando por unha base que cremos imprescindible: unificar datos, mellorar a súa calidade, traballar con criterios comúns, avanzar na estandardización e interoperabilidade dixital, e construír desde aí solucións que realmente axuden a decidir, automatizar e mellorar procesos.

Esta certificación dános impulso para seguir desenvolvendo unha maneira propia de acompañar a empresas e organizacións, e para seguir apostando por unha tecnoloxía útil, próxima e con impacto real.

Foi unha edición moi especial tamén por todo o que se xerou arredor do evento. Eva María González Vior apareceu en varios medios, como La Opinión de A Coruña e La Nueva España, compartindo a historia e o espírito de Datola; e Brais Calvo pasou pola radio no programa Lambóns Dixitais para falar de comunidade, datos e divulgación.

Ademais, presentamos un dos proxectos internos máis ilusionantes de Datola: un exercicio de unificación de datos e gamificación para entender mellor a participación das persoas que forman parte da comunidade. Podes ver o relatorio completo aquí: A Datolada 2026 - A Dársena e o Dataporte.

Durante a sesión contamos como pasamos de ter información dispersa en ferramentas como WordPress, MailerLite, Spotify, GA4, WhatsApp ou a plataforma de ticketing, a construír unha primeira capa común para ordenar eses datos, detectar duplicados, activar segmentacións e devolver á comunidade unha parte da súa propia historia.

De aí naceron A Dársena, o noso backoffice interno para xestionar e unificar datos, e o Dataporte, unha forma máis lúdica de recoñecer a participación, os contidos, as asistencias e os vínculos que se van xerando arredor de Datola.

Máis alá da tecnoloxía, o importante foi o fondo: compartir, abrir procesos, ensinar tamén o que non sae perfecto e seguir construíndo comunidade. Porque os datos, a intelixencia artificial e a automatización só teñen sentido cando axudan a conectar mellor as persoas e a coidar os proxectos que queremos que perduren.

Esta forma de entender a comunidade conecta moito co que nos move en nosDeu e con algo que repetimos moito: ir a eventos importa, porque moitas veces as mellores ideas nacen precisamente aí, entre conversas, encontros e xente con ganas de compartir.

Tamén Brais Calvo pasou por Lambóns Dixitais para seguir contando todo o que se move arredor de Datola.

Ler o artigo en La Nueva España

Ler o artigo en La Opinión de A Coruña

Durante a sesión xogamos con gráficos manipulados, escalas enganosas, titulares nesgados e exemplos reais para abrir conversa, debater e cuestionar como consumimos datos no día a día. Unha mestura de divulgación, humor e pensamento crítico que gozamos moitísimo compartindo coa comunidade.

Para nós este tipo de espazos son importantes porque cremos profundamente en compartir coñecemento, en facer que os datos sexan algo máis próximo, entendible e humano, e no valor da comunidade. Moitas das cousas máis bonitas que nos pasaron profesionalmente naceron precisamente así: arredor de conversas, eventos e xente con ganas de aprender e construír xuntas.

Podes ler máis sobre aquela experiencia nesta publicación sobre LareiraConf: todo comeza nun bar.

Unha desas experiencias que nos lembrou canto nos gusta compartir, debater e facer comunidade.

Durante varios días compartimos conversas, aprendizaxes e experiencias con profesionais de todo o mundo, nunha contorna onde o networking non é unha pausa entre charlas, senón parte central do que acontece.

Ademais, Eva participou nunha charla sobre a importancia de asistir a conferencias, poñendo en valor algo que ás veces esquecemos: que saír, escoitar e conectar tamén forma parte do traballo.

Ir a eventos non vai só de contido. Vai de ampliar perspectiva, de cuestionar o que dás por feito e de volver con ideas que non terías tido diante dunha pantalla.

Desas viaxes que te remexen o xusto para seguir crecendo. ---FILE END---

Un sinal de que o proxecto comeza a sosterse, de que a cooperativa pode crear traballo real e de que o que estamos a construír tamén comeza a traducirse en estabilidade.

E aínda que nosDeu acaba de comezar, levamos anos traballando xuntos así: a distancia, con conversacións longas, decisións compartidas e sobre todo, confianza.

Hai mil factores que fan que un proxecto funcione ou non, pero se tivésemos que quedar só cun sería como nos comunicamos. É o máis complexo de construír e o que máis sostén.

Somos dos que cremos que o talento non debería depender do código postal. Que crear, resolver e innovar é totalmente factible sen estar na mesma mesa cada día.

nosDeu nace con esa mestura: remoto para ter liberdade, asíncrono para gañar foco e presencial para fortalecer o que de verdade importa.

Porque o presencial non vai de rutina. Vai de coidar as relacións.

Si, existe un custo económico e tamén un custo familiar. Pero para nós é, ademais, unha forma consciente de romper a rutina do remoto e saír do piloto automático.

Os eventos van de saír da cova, ampliar perspectiva e volver a casa con novas ideas. Van de escoitar matices que non caben nunha slide. De conectar puntos que antes non estaban conectados.

Van de reencontrarse coa xente, desvirtualizar e coñecer a outra nova. De conversas que, de repente, che desbloquean un problema que levabas semanas arrastrando.

Ao final, as charlas están en YouTube. O contacto humano, non.

A brindarmos para que sexa a primeira de moitas e para que esta aventura non faga máis que comezar.

O lado ruín da burocracia coñecémolo todos. No noso caso, tamén está tendo unha parte boa: obríganos a sentar, ordenar e discutir as ideas. E si, ás veces a facer 400 km para ir buscar un papel, pero, de paso, xuntámonos, comemos e charlamos.

Mentres tanto, imos pechando os primeiros proxectos e cruzando os dedos coas primeiras propostas.

Pascendo, pacientes, que temos moitos datos que rumiar. 🐮

Como primeira acción, decidimos patrocinar a primeira Bonilista de 2026, a de propósitos, que desde hai 15 anos escribe cada domingo David Bonilla.

E xa que ía diso, aproveitamos o momento para deixar por aquí os nosos para 2026:

• Resultados non negativos. No noso primeiro ano aspiramos, como mínimo, a cubrir gastos. Nada de gastar máis do que facturamos.
• Evitar os divorcios. Nin entre socios, nin coas nosas parellas. Sabemos que emprender afecta a todos os ámbitos da vida.
• Patrocinar a primeira Bonilista de 2027. Sería un bo sinal de que nosDeu naceu forte e con percorrido.

Oxalá os cumpramos 🤞

De momento, quédannos muitos datos que rumiar 🐮

Ligazón á newsletter:

https://us2.campaign-archive.com/?u=374c664073e1a1fa3deca53b4&id=e6cfc42ffe

Brais aparece en dous ránking distintos. Por un lado, no piar de Measurement & Privacy, recoñecendo o traballo constante arredor da analítica dixital e a medición. E por outro, no Top 10 Elite, onde se destaca ás persoas que máis achegas de alto impacto compartiron ao longo do ano.

Algo interesante deste leaderboard é o seu enfoque. Non premia a popularidade nin o volume de publicacións, senón a consistencia, a claridade e a experiencia aplicada ao mundo real. Achegas que axudan a outros profesionais a entender que está cambiando, que importa de verdade e como adaptarse.

Para nosDeu, este recoñecemento conecta moito con como entendemos o traballo: compartir coñecemento útil, coidar as bases e construír comunidade desde o práctico e o honesto.

Podes ler a publicación completa de Yoann Ferrand e subscribirse á súa newsletter

Brais centrou a mensaxe:

• O ruído e os titulares do tipo: "morte da analítica", "morte da web"...
• A importancia de seguir coidando as bases.
• E como a Intelixencia Artificial está a cambiar a forma na que consultamos os datos.

Para o 2026, Brais agarda:

• O crecemento da analítica conversacional.
• A necesidade de reducir workslop.

Ligazón á publicación de LinkedIn

Nesta entrevista, Eva resume, moi ben moitas das ideas nas que cremos en nosDeu.

Máis que ensinar ferramentas, o foco está en:

• Baixar conceptos complexos a exemplos do día a día.
• Conectar datos, negocio e persoas.
• Reforzar unha idea clave: os datos sen contexto non serven de moito.

Tamén houbo espazo para falar de Intelixencia Artificial aplicada ao márketing:

• A IA para quitar ruído, aforrar tarefas pesadas.
• Amplificar o criterio das persoas, non para substituílo.

Achegar esta forma de entender a analítica a xente que está empezando a súa carreira en márketing é parte do que nos move: compartir o que sabemos, construír comunidade e poñer o dato ao servizo das decisións, non ao revés.

Podes ver a publicación de Master Marketing Digital USC onde se publicou orixinalmente o vídeo.

Foi a forma que mellor encaixaba con como entendemos o traballo, as relacións e o proxecto que queremos construír.

E para empezar a facelo realidade, tivemos a primeira reunión con Espazo Coop, que nos acompañarán e axudarán en todo o proceso de constitución.

Aí o proxecto deixou de ser unha idea solta e pasou a ter nome propio: nosDeu.