abrímoNos | nosDeu

Certificación IEBT

nosDeu — Mon, 01 Jun 2026 00:00:00 GMT

Conseguimos como empresa a certificación de Iniciativa de Emprego de Base Tecnolóxica (IEBT), un recoñecemento ao carácter innovador de nosDeu. Un fito que valida o camiño que estamos a construír e nos dá impulso para seguir apostando pola integración da intelixencia artificial, a calidade, a estandarización e a interoperabilidade dos datos como bases para crear solucións útiles e con impacto.

Eva modera unha mesa sobre datos urbanos e sustentabilidade

nosDeu — Fri, 22 May 2026 00:00:00 GMT

Participamos no EDINT Data Day da Coruña, un encontro arredor do Espazo de Datos para as Infraestruturas Urbanas Intelixentes e o futuro do dato urbano. Ademais, Eva María González Vior moderou a mesa “Sustentabilidade real ou relato dixital? O papel dos datos”, xunto a Marc Vidal e Andrés Millán.

Saímos falando de Datola, datos e comunidade

nosDeu — Mon, 04 May 2026 00:00:00 GMT

Eva González apareceu en La Nueva España e La Opinión de A Coruña para falar de A Datolada, de datos, intelixencia artificial e desa forma tan nosa de construír comunidade arredor do coñecemento compartido.

Tamén Brais Calvo pasou por Lambóns Dixitais para seguir contando todo o que se move arredor de Datola.

Ler o artigo en La Nueva España

Ler o artigo en La Opinión de A Coruña

Primeiro trimestre con beneficios

nosDeu — Wed, 01 Apr 2026 00:00:00 GMT

Pechamos o noso primeiro trimestre con beneficios, un fito importante para a etapa inicial na que se atopa o proxecto.

Actividade conxunta nun evento

nosDeu — Sat, 21 Mar 2026 00:00:00 GMT

Participamos como relatores na LareiraConf coa dinámica: Dato ou relato: quen mata a quen?, vestindo a camiseta de Datola, nun espazo para falar de datos, de gazapos e de como ás veces se usan para contar xusto o que alguén quere.

Unha desas experiencias que nos lembrou canto nos gusta compartir, debater e facer comunidade.

Primeiras nóminas

nosDeu — Sat, 28 Feb 2026 00:00:00 GMT

Pagamos as primeiras nóminas de nosDeu, un fito pequeno en aparencia, pero enorme para nós.

Un sinal de que o proxecto comeza a sosterse, de que a cooperativa pode crear traballo real e de que o que estamos a construír tamén comeza a traducirse en estabilidade.

Primeiro evento internacional

nosDeu — Fri, 20 Feb 2026 00:00:00 GMT

Fomos á SUPERWEEK, o noso primeiro evento internacional, onde aprendemos, compartimos e conectamos coa comunidade global de analítica dixital. Eva participou, ademais, nunha charla sobre a importancia de asistir a conferencias, reforzando o valor de saír, atoparse e crecer en comunidade.

Primeira factura de nosDeu

nosDeu — Thu, 12 Feb 2026 00:00:00 GMT

Tras pechar a parte burocrática inicial e estar dados de alta na Seguridade Social, xa podemos emitir a nosa primeira factura. E, por casualidades bonitas, será para ese primeiro cliente co que tamén fixemos o noso primeiro orzamento conxunto.

A brindarmos para que sexa a primeira de moitas e para que esta aventura non faga máis que comezar.

Sinatura da constitución de nosDeu

nosDeu — Thu, 22 Jan 2026 00:00:00 GMT

Asinamos a constitución de nosDeu. O que comezou como unha idea nunha sobremesa convértese oficialmente en realidade.

NIF provisional da cooperativa

nosDeu — Tue, 02 Dec 2025 00:00:00 GMT

Chega o NIF provisional de nosDeu. O proxecto pasa das notas, a ilusión, os soños a existir tamén en Facenda. Un paso máis cara a ser cooperativa con todos os efectos.

Lanzamos nosGuía

nosDeu — Wed, 10 Sep 2025 00:00:00 GMT

Eva fai oficial o lanzamento de nosGuía nas redes. Un espazo para acompañar, explicar e ensinar con calma. A primeira engrenaxe de nosDeu comeza a rodar.

O noso primeiro orzamento aceptado

nosDeu — Thu, 14 Aug 2025 00:00:00 GMT

Dobre fito: solicítase a negativa do nome nosDeu no rexistro de cooperativas e aceptan o noso primeiro orzamento conxunto.

Decidimos ser cooperativa

nosDeu — Tue, 12 Aug 2025 00:00:00 GMT

Despois de moitas conversas, dúbidas compartidas e bastante reflexión, tomamos unha decisión: nosDeu será unha cooperativa.

Foi a forma que mellor encaixaba con como entendemos o traballo, as relacións e o proxecto que queremos construír.

E para empezar a facelo realidade, tivemos a primeira reunión con Espazo Coop, que nos acompañarán e axudarán en todo o proceso de constitución.

Escollemos o nome de nosDeu

nosDeu — Thu, 31 Jul 2025 00:00:00 GMT

Despois de máis dun mes enteiro buscando o nome perfecto, debatendo opcións e pedindo opinións a amigos e familiares, o 31 de xullo pechamos esta etapa e compramos o dominio nosDeu.

Aí o proxecto deixou de ser unha idea solta e pasou a ter nome propio: nosDeu.

A semente: decidimos montar algo xuntos

nosDeu — Thu, 05 Jun 2025 00:00:00 GMT

Eva dille a Brais que quere montar algo. Nada pechado, todo por falar. Ela vao como un experimento; el, como o comezo de algo grande. Primeira semente de nosDeu.